Christmas: క్రిస్మస్ శుభాకాంక్షలు చెప్పిన పవన్ కల్యాణ్
దిశ, వెబ్‌డెస్క్: క్రీస్తు మార్గాన్ని అనుసరించే క్రైస్తవులందరికీ(Christians) ఆంధ్రప్రదేశ్ జనసేన అధినేత, ఏపీ డిప్యూటీ సీఎం పవన్ కల్యాణ్(Pawan Kalyan) శుభాకాంక్షలు తెలియజేశారు. ఈ మేరకు మంగళవారం సోషల్ మీడియా(X) వేదికగా పోస్టు పెట్టారు. ‘ప్రేమ, సద్భావన, శాంతి, క్షమ అనేవి ఏసు క్రీస్తు మానవాళికి అందించిన సుగుణాలు. క్రీస్తుపై నమ్మకం ఉన్న విశ్వాసులందరూ ఈ సుగుణాలను ఆచరించి శాంతి, దాన ధర్మాలకు ఆలంబనగా నిలవాలి. విశ్వ మానవ సౌభ్రాతృత్వాన్ని పాదుగొల్పాలి. ఈ క్రిస్మస్(Christmas) మానవాళి జీవితాల్లో ప్రేమ, శాంతి నింపాలని మనస్ఫూర్తిగా కోరుకుంటున్నాను’ అని పవన్ కల్యాణ్ ట్వీట్‌లో పేర్కొన్నారు.
క్రైస్తవ సోదర, సోదరీమణులకు క్రిస్మస్ పర్వదిన శుభాకాంక్షలు. ఈ క్రిస్మస్ మానవాళి జీవితాల్లో ప్రేమ, శాంతి నింపాలని మనస్పూర్తిగా కోరుకుంటున్నాను - @PawanKalyan pic.twitter.com/aRfNRALV2f
— Deputy CMO, Andhra Pradesh (@APDeputyCMO) December 24, 2024
